కృతజ్ఞతాభివందనములు

నీలోసగం సీరియల్ ఇప్పటికి 27 భాగాలు జెమిని చానల్ లో మధ్యాన్హం 12 గం 30 ని.లకు ప్రదర్సించబడ్డాయి. చూసిన వాళ్ళు అద్భుతమైన సినిమాని చూసినట్టుగా ఉంది గాని ఒక సీరియల్ చూస్తున్నట్టు లేదు అని అంటున్నారు. ప్రేక్షకులకు నా కృతజ్ఞతాభివందనములు. ఇంత మంచి సీరియల్ ప్రైం టైం లో వస్తే బాగుండేది, ఎక్కువ మంది చూడలేక పోతున్నాము అంటున్నారు చాలామంది. ఈ విషయం జెమిని ఎం డి గారి దృస్టికి తీసుకెళ్ళడం జరిగింది. వీలైనంత త్వరలో వారు ఈ సీరియల్ ని సాయంత్రం అందరూ చూడగలిగే టైం లో వేస్తారు అని ఆశిద్దాం. . . . .. . .విధేయుడు. . . . .సుధాకర రెడ్డి. సత్తి

అపార్ధం చేసుకోకండి.

పెద్దలందరికి నమస్కారములు. సినిమాకు సంబంధించిన వ్యక్తులంటే సమాజంలో ఎంత చులకనో నాకు తెలియంది కాదు. దయచేసి మీ సూటిపోటి మాటలు కాకుండా, నిజంగా సమాజపరంగా ఆరోగ్యకరమైన కథను చిన్న తెరమీద చెప్పాలనుకుంటున్న నాకు, పనికొచ్చే విషయాలను వెల్లడించగలరని ఆశిస్తునాను. సినిమా ప్రపంచంలో కుళ్ళు చూడలేక మీలాంటి మహానుభావులంతా కావాలని మాకు దూరమైపోయారని నా ప్రగాఢ విశ్వాసం. ముఖ్యంగా చెప్పాలనుకున్నదేమిటంటే నేను ఎవరి పక్షపాతిని కాదు. నా బ్లాగులో ప్రచురించిన వ్యాసాన్ని సరిచేసాను, పరికించగలరు. ఏదో తొందరలో మరీ స్త్రీ పక్షపాతిని అని ధ్వనించేలా రాసేసాను, క్షంతవ్యుడిని. ఇలా కూడబలుక్కుంటూ ప్రతి అక్షరాన్ని టైప్ చేస్తూ నా పూర్తి భావప్రకటన వీలుకావడంలేదుగాని ఓసారి ఇ తెలుగు సమావేశానికి వస్తాన్లెండి మీ అందరి తిట్లు దీవెనలు అందుకోవడానికి. విధేయతతో .........సుధాకర రెడ్డి.

This is not only a TV shows title, its every life partner's promise, to each other.

"నీలోసగం" అనగానే ఎవ్వరికైనా అర్ధమౌతుంది ఇది భార్యాభర్తలకు సంబంధించిన మాట అని. ఈ మాటని టైటిల్ గా వాడుతూత్వరలో జెమిని చానెల్ లోఒక టివి సీరియల్ టెలికాస్ట్ అవ్వబోతోంది . సీరియల్ మొదలు పెట్టిన తర్వాత కథా పరమైన చర్చలు జరుగుతున్నపుడునాకు ఒక అలోచన తట్టింది, "నీలోసగం" పేరుతో బ్లాగు ఎర్పాటు చెయ్యాలని. ఎందుకో మీకు అర్ధం కావాలంటే ముందుగా కొంత సీరియల్ కిసంబంధించిన కథ చెప్పాల్సిందే. ముగ్గురు స్నేహితురాళ్ళు కాలేజిలో చదివే రోజుల్లో కీసరగుట్ట మీద ఉన్న శివాలయంకి వెళతారు . అక్కడ కొండ మీద విసిరేసినట్టుగా పడి ఉన్న శివలింగాలను చూస్తూ, యుక్త వయసులో సహజంగా ఉండే నిర్లక్ష్య ధోరణితోశివుడిని సరదాగా విమర్శించారు, ఆయనకు ఇద్దరు భార్యలు అని, అసలు భార్యను పక్కన పెట్టి సవతిని నెత్తిన ఎక్కించుకున్నాడని, ఈవిధంగా.ఆ ప్రక్కనే ఉన్న ఒక సాధువు వీళ్ళ మాటలు విని గట్టిగా కోప్పడుతూ శివ తత్వాన్నితెలుసుకోలేని మూర్ఖులు మీరు, మీ విమర్శలకు ప్రతిఫలంగా మీజీవితాలు అస్థవ్యస్తమై పోతాయిగాక అంటూ శపించినట్టుగా అనేసి వెళ్ళిపోయాడు. మొదట్లో పెద్దగా పట్టించుకోని స్నేహితులు ఆ తర్వాత జరిగినపరిణామాలతో కంగారు పడ్డారు, భయపడ్డారు, మళ్ళీ ముగ్గురూ కలిసిసాధువుని వేడుకోవడానికి కీసరగుట్ట వెళ్ళారు . కానీ వాళ్ళకక్కడ ఎవ్వరూకనపడలేదు. కనీసం ఆ సాధువు వివరాలు కూడా తెలియలేదు. నిరాశతొ వెనక్కి వచ్చేసారు. ఆ తర్వాత వాళ్ళ జీవితాల్లో చాలా విచిత్రంగాముగ్గురూ కూడా బాధలు పడ్డారు. అసలు ఏమిటి మనిషి నైజం? ఎందుకు ఎక్కువ మంది పరాయి స్త్రీ/పురుషుని వెంట పడుతున్నారు? పెళ్ళైన కొత్తలో నేను నీలోసగం నీవు నాలోసగంఅని నమ్మబలికిన వారు ఆ తర్వాత తర్వాత ఎందుకు అంటీ అంటనట్టుగా ప్రవర్తిస్తూ వేరొకరి వ్యామోహంతో జీవితాన్ని నరకప్రాయం చేసుకుంటున్నారు?ఎందుకు అచ్చం దేముడి కథల్లో చెప్పబడినట్టుగానే మనుషుల జీవితాల్లో కూడా పరిణామాలు చోటు చేసుకుంటున్నాయి? జీవితం అంటేజగన్నాటకమా? . . . . . . యాదృశ్చికమా? . . . . . భ్రమా? . . . . స్వప్నమా? . . . .ఏమో ఎవ్వరికీ ఏమీ తెలియదు. . . . . . . . ఐతే మనం నిజమని నమ్ముతున్న ఈ జీవితంలో, కష్టాలను మాత్రం మనమే స్వయంకృతంతో తెచ్చుకుంటున్నామనేది చాలా వరకూ ఒప్పుకోవాల్సిన సత్యం. కాదంటారా? ఔనంటారా? మీరేదైనా అనడం కోసమే ఈ వేదిక(http://neelosagam.blogspot.com/) కల్పించ బడింది. వైవాహిక బంధం గురించి, సహచరుల గురించి,నిర్మొహమాటంగా, నిర్భయంగా చర్చిద్దాం. భావి తరాలవారు ఈ జీవితానుభవాలను తెలుసుకొని, ఎంతో కొంత ఎక్కువ ఆనందాన్ని, సౌఖ్యాన్ని,అనుభవించేలా మన అనుభవాల్ని ఈ వేదికద్వారా టెలివిజన్ లో ప్రదర్శిద్దాం...................భవదీయుడు ..........సుధాకర రెడ్డి. సత్తి